තලපති විජේ ගේ මීළඟ චිත්‍රපටයේ ප්‍රධාන නිලිය ලෙස සුරූපී නිලි පූජා හෙහ්ඩේ තෝරාගත්බවට දැන් නිවේදනය කෙරුනා. නෙල්සන් දිලිප්කුමාර් විසින් අධ්‍යක්ශනය කරන මෙම චිත්‍රපටය ලබන වසරේ පොංගල් උත්සවයට සමගාමීව භාශා ගනනකින් තිරගතකිරීමට නියමිතයි. සංගීත අධ්‍යක්ෂණය අනිරුද්. නිෂ්පාදනය කල්තිමාරන් විසින් Sun Pictures යටතේ..
Ceyflix හරහා නිකුත් වීමට නියමිත COM කතා මාලාවේ ට්‍රේලරය දැනට දින කීපයකට පෙර අන්තර්ජාලයට මුදා හැරුනා.
ජෝ දිසානායක විසින් අධ්‍යක්ෂණය කරනු ලබන මෙම කතා මාලාවෙහි තිර රචනය රයන් ලෝරන්ස් විසින් සිදුකරනු ලබනවා . මෙවැනි වෙනස් වූ තිර රචනාවන් ලාංකීය කලාවට ගෙන ඒම පිලිබඳව එම නිර්මාණකරුවන්ට ප්‍රථමයෙන් ස්තූති වන්ත විය යුතුය .
මෙහි කැමරාකරණය ජෝ දිසානායක හා එරංග ගුණසිංහ විසින් සිදුකරන අතර සහය අධ්‍යක්ෂණය ඩෙනිස් ප්‍රනාන්දු විසින් සිදුකරනු ලබයි. විශේෂයෙන්ම මෙහි කැමරා දර්ශන ඉතාමත් ඉහල මට්ටමක පැවතීම කැපී පෙනෙන ලක්ෂණයක් ලෙස හැදින්විය හැකිය .
සංස්කරණය හා වර්ණ හැඩගැන්වීම කසුන් කාවිංග විසින් සිදුකර ඇති අතර ට්‍රේලරය පුරාවට වර්ණ ගැන්වීම ඉතා හොඳ මට්ටමක පැවතීම විශේෂත්වයකි .
පූර්ව ප්‍රචාරක පටය පුරාවට දිවෙන සංගීත කාණ්ඩ සිත් ඇදගන්නා සුලු මෙන්ම , එය නිර්මාණයෙහි සාර්ථකත්වයට බෙහෙවින් බලපානු ඇත.
මෙම නිර්මාණයෙහි මේ වන විට නිකුත් වී ඇති පෝස්ටර් කිහිපය දෙස බැලූ විටද ඉතාමත් ආකර්ෂණීය ලෙස නිර්මාණය කර ඇති අතර එය මෙම කතාමාලාවෙහි ඉදිරිය උදෙසා වාසිදායක ලෙස පවතී.
මෙම නිර්මාණය ලාංකීය වෙබ් සීරීස් කලාවෙහි විශාල වෙනසක් සිදු කිරීමට සමත්වන බව පූර්ව ප්‍රචාරක පටය බැලූ විට ඔබට වටහාගත හැක. අශාන් ඩයස් නම් වූ දක්ෂ රංගන ශිල්පියාගේ පෙර නොවී විරූ රංගන කුසලතාවයක් මෙම කතාමාලාව හරහා දැක බලාගැනීමට පුලුවනි. ශ්‍යාම් ප්‍රනාන්දු යන ප්‍රවීණ රංගන ශිල්පියාගෙන් මෙම නිර්මාණයෙහි සාර්ථකත්වය සදහා ලැබෙන රංගන දායකත්වයද බෙහෙවින් අගය කල යුතුය . තරුණ රංගන ශිල්පිනී දිනක්ශි ප්‍රියසාදිගේ පවා පෙර නොදුටු වෙනස් වූ රංගන කුසලතාවයක් මෙම නිර්මාණය තුල දැකගත හැකිය .
ශ්‍යාම් ප්‍රනාන්දු , දිනක්ශි ප්‍රියසාද් , කලණ ගුණසේකර , අශාන් ඩයස් , ඩබ්ලිව්.ජයසිරි යන අතිදක්ශ රංගන ශිල්පීන් ශිල්පිනියන් රැසක් දායකත්වය ලබාදෙමින් Connection Of Murder එහෙමත් නැතිනම් COM කතාමාලාව නුදුරේදී ප්‍රේක්ෂක ඔබට Ceyflix හරහා නැරඹීමට හැකිය.
Trailer එක පහතින් නරඹන්න.
The Cinemates ™